ბუნება და გარემო სულ უფრო მნიშვნელოვანი ხდება თანამედროვე არქიტექტურაში. ამას ბევრი მიზეზი აქვს.
მწვანე არქიტექტურა ორიენტირებულია ეკოლოგიურად სუფთა მასალების გამოყენებასა და ენერგოეფექტურობაზე. ამ ყველაფერთან ერთად კი ერთ-ერთი მთავარი პრიორიტეტი ბუნებასთან ჰარმონიაში ყოფნაა.
ამ ბლოგში ჩვენ განვიხილავთ, თუ რატომ არის გამწვანება ასეთი მნიშვნელოვანი თანამედროვე არქიტექტურაში, გამოვყოფთ მწვანე სივრცეების უპირატესობებს და ვისაუბრებთ, თუ რატომ უნდა აირჩიოთ ისეთი საცხოვრებელი კომპლექსი, რომელიც თავად ქმნის ჯანსაღ გარემოს. ამასთანავე განვიხილავთ მწვანე არქიტექტურის ერთ-ერთ ულამაზეს ქართულ ნიმუშს ბინებს ბათუმში ტექტო ჯგუფისგან.
რატომ არის გამწვანება ასეთი პრიორიტეტული არქიტექტურის ინდუსტრიაში?
მწვანე არქიტექტურა მნიშვნელოვანია რამდენიმე მიზეზის გამო. პირველ რიგში, ეს ხელს უწყობს შენობების უარყოფითი ზემოქმედების შემცირებას გარემოზე. ტრადიციული შენობები მოიხმარენ უამრავ ენერგიას და რესურსებს, ხელს უწყობენ სათბურის გაზების გამოყოფას.
ამასთან ერთად, ხშირად არ აქვთ სათანადო იზოლაცია, რაც იწვევს ენერგიის კარგვას. მეორეს მხრივ, საცხოვრებელი კომპლექსი, რომელიც აშენებულია ენერგოეფექტური ტექნოლოგიებით, პლუს ეკოლოგიურად სუფთა მასალების გამოყენებით, ეს ამცირებს ნახშირბადის კვალს, ხელს უწყობს უფრო მდგრადი მომავლის შექმნას.
ასეთ შენობებში ხშირად არის ბუნებრივი ვენტილაცია, ჰაერის ფილტრაციის სისტემები და წვდომა ბუნებრივ შუქზე, ეს ყველაფერი აუმჯობესებს შიდა ჰაერის ხარისხს, რაც ხელს უწყობს მთლიანი ატმოსფეროს გაუმჯობესებას.
დღევანდელ მსოფლიოში ერთ-ერთი მნიშვნელოვანი საზრუნავი გარემოს დაბინძურებაა, თანამედროვე არქიტექტურა არ არის გამონაკლისი და თავისი წვლილი შეაქვს ამ სენსიტიური საკითხის მოგვარებაში. ადამიანები უფრო მეტად აცნობიერებენ მათ უარყოფით გავლენას ბუნებაზე, ამიტომ, სულ უფრო მეტად ეძებენ გზებს, რათა შეამცირონ ნახშირბადის ემისია.
გარდა ამისა, სამწუხაროდ, არაერთი ახალ აშენებული საცხოვრებელი კომპლექსი არათუ ზრუნავს ბუნებრივ გარემოზე, პირიქით, ანადგურებს მას. მთელს მსოფლიოში ეს ძალიან დიდი პრობლემაა.
მწვანე არქიტექტურა, რომელიც პრიორიტეტს ანიჭებს ბუნებას და გარემოს, არის პასუხი ამ საკმაოდ მტკივნეულ საკითხზე.
ტექნოლოგიურმა მიღწევებმა შესაძლებელი გახადა უფრო ენერგოეფექტური და ეკოლოგიურად სუფთა შენობების შექმნა. მაგალითად, მწვანე ტექნოლოგიების გამოყენება, როგორიცაა მზის პანელები, წვიმის წყლის შეგროვების სისტემები, აქტიური გამწვანება, მწვანე სახურავები, უფრო ფართოდ გავრცელდა, რაც არქიტექტორებს გაუადვილებს ბუნებისა და გარემოსთვის პრიორიტეტის მინიჭებას.
მწვანე არქიტექტურა – სიმშვიდისა და კეთილდღეობის გარანტი
არქიტექტორები აერთიანებენ ბუნების ელემენტებს შენობის დიზაინში. ასეთია მწვანე სახურავები, “ცოცხალი” კედლები, დიდი ფანჯრები, რომლებიც უზრუნველყოფენ წვდომას ბუნებრივ შუქსა და გარე ხედებზე. დიზაინის ეს ელემენტები ხელს უწყობენ უფრო ჯანსაღი, სასიამოვნო საცხოვრებელი და სამუშაო გარემოს შექმნას.
რა თქმა უნდა ყველაზე მნიშვნელოვანი ავთენტური გარემოა – ტყე, ბუნებრივი გამწვანება და ა.შ.
უამრავი მიზეზი არსებობს, რის გამოც, ბუნებრივ გარემოში ყოფნა სასარგებლოა ჩვენი ფიზიკური და ფსიქიკური ჯანმრთელობისთვის:
- სტრესის შემცირება: ბუნებაში დროის გატარება პირდაპირ მოქმედებს სტრესის დონეზე, აუმჯობესებს განწყობას, ეს ყველაფერი კი კავშირშია შფოთვისა, ისევე როგორც დეპრესიის რისკის შემცირებაზე.
- გაუმჯობესებული ფიზიკური ჯანმრთელობა: ბუნებაში ყოფნა ასევე ხელს უწყობს ფიზიკური ჯანმრთელობის გაუმჯობესებას. სუფთა ჰაერისა და მზის სხივების აძლიერებენ იმუნურ სისტემასა და ადამიანის ზოგად მდგომარეობას.
- კრეატიულობის, შემეცნებითი ფუნქციის გაზრდა: კვლევებმა აჩვენა, რომ ბუნების ზემოქმედებას შეუძლია გაზარდოს კრეატიულობა და შემეცნებითი ფუნქცია, ასევე გააუმჯობესოს ყურადღება, მეხსიერება.
- გაუმჯობესებული ძილი: ბუნებაში დროის გატარება ასევე დაგეხმარებათ ძილის ხარისხის გაუმჯობესებაში და ენერგიის დონის ამაღლებაში.
- ესთეტიკური მხარე: გარდა იმისა, რომ ეკოლოგიურად სუფთაა და კარგია ჩვენი ჯანმრთელობისთვის, მწვანე არქიტექტურა ასევე შეიძლება იყოს ესთეტიურად სასიამოვნო. ლამაზი, უნიკალური სტრუქტურები, რომლებიც ამასთან ერთად ლამაზ ბუნებრივ გარემოში არსებობენ, იდეალურ კავშირს ქმნიან ბუნებასთან და გამოირჩევიან სხვა ნაგებობებისგან.
ზოგადად, ბუნებრივ გარემოს აქვს დამამშვიდებელი და გამაახალგაზრდავებელი ეფექტი ადამიანის სხეულსა და გონებაზე, რაც ხელს უწყობს ფიზიკურ, გონებრივ კეთილდღეობას.
მითუმეტეს, თუ ბუნებრივი გარემო ზუსტად იქაა, სადაც თქვენ ცხოვრობთ. ყველა ზემო ჩამოთვლილი სიკეთე თქვენი ყოველდღიურობის ნაწილი ხდება.
საცხოვრებელი კომპლექსი და მწვანე სივრცე
ვისაუბრეთ როგორი მნიშვნელოვანია ისეთი საცხოვრებელი კომპლექსი, სადაც გამწვანება ერთ-ერთი მთავარი ღირებულებაა. გამწვანებული გარემო საქართველოში არაერთგან შეგხვდებათ, მაგრამ ბევრი არაა ისეთი საცხოვრებელი სივრცე, რომელიც მთლიანად ბუნებაშია ჩაფლული. თუმცა, მაინც არსებობს გამონაკლისი.
„ტექტო ფრანკო” არის პირველი საცხოვრებელი კომპლექსი, რომელსაც „ტექტო ჯგუფი“ ახორციელებს. კომპლექსი ბათუმში, კონცელიძის ქუჩაზე მდებარეობს. პროექტი 11 000 კვ.მ ფართობზეა გაშენებული. ის აერთიანებს 4 კორპუსსა და 813 ბინას.
ერთ-ერთი გამოსარჩევი ღირსება, რაზეც ვსაუბრობდით არის ის, რომ ხსენებული ძალიან დიდი სივრცის ნახევარზე მეტი ხელუხლებელი ბუნებრივი გარემოა.
11 000 კვ.მ ფართობიდან 6 000 კვ.მ ფართობს სრულად რეკრეაციული სივრცე იკავებს.
უნდა აღინიშნოს, რომ პროექტისთვის ხელოვნურად არ შექმნილა ეკო-სივრცე.
საცხოვრებელი კომპლექსი ყველასთვის საყვარელ მწვანე კონცხის ადმინისტრაციულ ერთეულში მდებარეობს. “ტექტო ჯგუფის” მიზანია, რომ ეს ულამაზესი ადგილი კიდევ უფრო განვითარდეს.
ორი კლდოვანი ნაპირით ზღვაში შეჭრილი ადგილი მთისა და ზღვის პეიზაჟებს კიდევ უფრო უნიკალურად აქცევს.
“ტექტო ჯგუფი” საერთაშორისო სტანდარტების სრული დაცვით თავად აწარმოებს ეკოლოგიურად სუფთა, უმაღლესი ხარისხის ენერგო ეფექტურ სამშენებლო მასალას.
გარდა ამისა, “ტექტო ჯგუფი” სხვა კუთხითაც ქმნის ეკოლოგიურად სუფთა გარემოს. აქ არის ორსართულიანი საპარკინგე სივრცე, სადაც ავტომობილები კომპლექსის ტერიტორიაზე გავლის გარეშე ჩავლენ, რაც გულისხმობს, რომ საცხოვრებელი სივრცე გამონაბოლქვისა და ბუნების დაბინძურებისგან იქნება დაცული.
ასე რომ, აირჩიეთ ისეთი ადგილი, რომელიც მთლიანად ჩაფლულია სიმწვანეში და დატკბით ზღვისპირა ადგილის სილამაზით.
